حلى الكيكه المقلوبه

الطريقة والمقادير مخلوطين مع بعض مزيج مميز:

1- نستعمل الصينيه المشرفه (اللي وسطها مرتفع)

2-ندهنها بزيت ثم نرشها بدقيق

3- نسوي نصف مقادير كيكه الزبادي وهي :بيضه - نصف علبه زبادي فنجالين سكر - ربع كاس زيت1 ملعقه باكنج بودر - فانيلا كاس الا ربع دقيق

4- نخلطهم ونصبهم في صينيه وندخلها الفرن من تحت وفوق (تقريبا ربع ساعه)

5- نخليها تبرد شوي بعدين نقلبها في صحن او صينيه يمكن ان تدخل الفرن

6- نخلط في الخلاط: 4 حبات جبن كيري نصف علبه حليب المحلى المركز

7- ونصبها فوق الكيكه وندخلها الفرن من فوق الين تجمد موتتحمر

8- ثم ندخلها الثلاجه لمده ساعه او اقل

9- واذا بردت نحط في قدر (باكيت كريمه - نصف ملعقه صغيره نسكافيه -بياله ماء)

10- نحطها على النار لين تغلي ثم نصبها على الخلاطه وندخلها الثلاجه
وبالعافيه

الدخن

المقادير:
ماء

حبه بصل صغيره

حبه ماجي

لحم مقطع صغار

بياله جريش مطحونه

كاس ونصف دخن مجروش لايصير ناعم (ويمكنك زيادته او تنقيصه)

2 ملعقه طحين بر

الطريقة:
1-نحط البصل بعد تقطيعه الى قطع صغيره في قدر على النار بدون اضافه اي ماده دهنيهنحمسه قليلا ثم نضع الماء ونضع اللحم معه والماجي وشوي ملح

2-بعد عشر دقائق الى ربع ساعه نحط الجريش ونتركه على نار هاديه مـــره لمده عشر دقائق الى ربع ساعه

3- ثم نجيب الدخن ونخلطه بالسلك مع شوي مويه عاديه (علشانك لو حطيتيه على الجريش واللحمه والمويه حاره راح يتكتل عليك ) ونحط الين يطلع عندك علظها مثل المهلبيه او اخف شوي

4- ثم نحط الدقيق البر بعد ما نخلطه مع الماء ونستمر في التحريك

5- ثم نغطيه ونتركه تقريبا نصف ساعه على النار.

6- في هذي الاثناء نصلح الكشنه وهي عباره عن:بصل نقطعه ونحطه على النار مع الزبده او الزيت (بس الزبده اطعم)واذا بداء يذبل نحط عليه فلفل اسود كثيرررر (وعاد كل وحده وذوقها بس انا احب الكثير)وشوي بهارات.
7- في التقديم نجيب حافظه ونحط شوي من الدخن ثم طبقه بصل ثم طبقه دخن ثم طبقه بصل

او يمكنك تحطين الدخن كله ثم تحطين البصل فوقه

ملاحضه :اذا بغيتيه اطعم يمكنك وضع لبن معه بس انه راح يفتح لونه

اسرع واسهل والذ حلى (حلى لوزين)

اسرع واسهل والذ حلى (حلى لوزين)

المقادير:

السندويش المحشيه تفاح او شوكولاته (مثل سندويش لوزين اللي تنباع للفسحه)

حليب محلى مكثف

دريم ويب

الطريقه:

- نقطع السندويش قطع متساويه

- نصفه في صحن التقديم بشكل متساوي

- نخلط الحليب بالدريم ويب

- نسكب خلطه الحليب على السندويش ويزين بشكولاته هيرشي

وبالعافيه

البرياني بالصينيه شكل غير وطعم ولااحلى

• المقادير:
  
  
• 2كاس ارز (ينقع في ماء حار) دجاجه مقطع ثمان
  حبه بصل وثوم
  2 علبه زبادي
  بهارات ( بهارات البرياني – كاري – صفار زعفران – كركم – شوي كمون وفلفل اسود- ملح )
  حبه ماجي للرز وحبه للدجاج
  زنجبيل طازج
  صلصه طماطم
  

الطريقه:
نقطع البصل صغار ونضعه على النار مع الثوم والزيت حتى يذبل ثم نضع الزبادي وشوي ماء مع البهارات والصلصه والزنجبيل والماجي والملح

• 
  
  ونحط الدجاج المقطع عليه ونغطيه حتى ينضج (تقريبا نصف ساعه واذا كنتي مستخدمه دجاج اقل اكيد بتقل المده)
  




• 
  
  في نفس الوقت نسلق الارز مع ماء وملح وماجي واجي
  




• 
  
  تقريبا بعد نصف ساعه اذا نضج الارز والدجاج ننكب الارز في صينيه ثم نجيب الدجاج وتكون مويته قلت كثير ننكبه تقريبا كله الدجاج بمويته فوق الارز
  




• 
  
  نقصدر الصينيه وندخلها الفرن لمده من عشر دقائق الى ربع ساعه
  




• 
  
  ثم نفتح القصدير ونقدمها
• وبالهناء والعافيه
  

الأرز الأبيض بالخضار المضغوطة

المقادير :
2كاس رز

خضار منوعه مقطعه حلقات
( كوسه – بطاطس – طماطم - بصل – فلفل رومي – جزر ...)

بهارات منوعه

(ملح – كمون – كاري – فلفل اسود مطحون – بهارات ...)

صدور دجاج مقطعه صغار

الطريقه:

1. يسلق الارز مع ماء وملح واجي وزيت
   
2. تخلط الخضار بعد تقطيعها والدجاج بالبهارات ثم توضع في قدر الضغط
   
3. يرفع على النار لمده 3دقائق ثم نضعه على نار هاديه لمده ثلث أو نصف ساعه
   
   
4. بعد ان ينضج الرز ينكب في صحن التقديم ويوضع الخضار معه
   

وبالعافيه

حلى الفستق

المقادير

بسكويت مطحون تخلط مع اصبع زبده لين وترص في الصينيه

في الخلاط

6حبات جبن كيري

علبه حليب نستله

كاس فستق

ظرفان دريم ويب

علبه قشطه

الطريقه

توضع المقادير في الخلاط ومن ثم تصب على البسكويت والزبده

وتدخل الفرن من تحت فقط 15 دقيقه

وبالهناء والعافية

كيكه البربري

المقادير

كيكه العلالي وتطبخينها عادي مثل ماهو ماكتوب على العلبه في صينيه متحركه عقب ماتبطنينها بقصدير

دريم ويب ابيض تخفقينه وتحطينه في الثلاجه

دريم ويب شوكولاته تخفقينه وتحطينه في الثلاجه ( واذا ما وجد عندك ممكن تستخدمين دريم ويب ابيض وتضيفين عليه شوكولاته بودره)

لون احمر

شوكولاته هيرشي سائله

الطريقه:

• تفكين الكيكه من الصينيه وتضعينها في صحن
  




• نغطيها بالدريم ويب الشوكولاته
  




• ثم نعمل الخطوط البيضاء بالدريم الويب الابيض
  




• والخطوط الحمراء بالون الاحمر مع الدريم ويب أو هيرشي الفراوله
  




• ونضع الخطوط البنيه الغامقه بالهرشي الشوكولاته.