حلى كشخه وفخم

المقادير:
ظرف كريمه كراميل
 نص كأس سكر
ربع كأس زيت 
 قشطه

بسكويت كوكيز جاهز .. اللي تفضلين الحجم العادي او الميني ..
كاس شعيريه باكستانيه محموسه ومفتته صغار
كاس حليب بودره محموس
شوكولاته بنيه خام للتغطيه
شوكولاته اي لون للتجميل

الطريقه ..
ا/ نضع المقادير الاولى في الخلاط .. ثم نصبها على الحليب والشعيريه .
2/ نلبس قفازات ونخلط المقادير مع بعض .. حتى تكون لدينا عجينه متماسكه..
3/ ناخذ شوي من العجين ونفردها في يدنا .. ونضع في وسطها الكوكيز ونغلفه بها ..وهكذا نعمل بكل الكوكيز ..
4/نصفها في صحن كبير ونحطها في الفريزر يوم كامل ..
5/ من بكره نجيب الشكولاته البنيه ونسوي لها حمام مائي مع شوي زبده ..
6/ نضع حبات الكوكيز في الشكولاته حتى تتغلف كامل ثم نضعها على ورق زبده .. الى نهايه الكميه ..
7/ نذوب شوكولاته بالوان مختلفه ( ابيض - اصفر - اخضر ....) ونضعها خطوط على الكوكيز ..
انا سويته هنا بقوالب الفراشه الجاهزه ..
وبصحه وعافيه عليكم يارب..

حلى العلب

المقادير:
بسكوت اوريو

بسكوت السمسم
6 حبات جبن مثلثات
ملعقتين نسكافيه
ظرفين كريم كراميل
2 قشطة
2 حليب سايل

الطريقة :
1- بالخلاط نظيف التالي
علبتين قشطة
ظرفين دريم ويب
6 حبات جبن مثلثات
ملعقتين نسكافيه


2- ثم نحط علبتين حليب سايل وظرفين كريم كراميل ع نار هادئة حتى يسخن ثم
ثم نصبه فوق الخلطة بالخلاط ونخلطهم

3- نصف بسكوت السمسم بالعلب

4- ثم نصب الخلطه اللي بالخلاط في العلب

5- نفتح بسكوت الاوريو بالنص بواسطة السكين.. وبشويش عشان ماينكسر البسكوت

6- نغمس كل بسكوته بحليب او ماء بس بسرعه موب يتشرب الحليب بس تبليله عشان يلين...

انا وضعت بداله بسكويت السمسم
ونسكر العلبه ونصفها بالثلاجه

وبالعافيه عليكم

مقبلات البسكويت

(( البسكويت المربع ))
`المقادير :
بسكويت الخضار او اي نكهه تفضلين ( مربع او مستطيل )
خبز توست مقطع الاطراف 
جبن سائل وجبن شرائح
للزينه : زيتون اسود او اخضر او فلفل رومي

الطريقه يقطع خبز التوست بحجم البسكويت ويدهن كل الوجهين بالجبن السائل
ويوضع عليها البسكويت حتى يكون مثل الساندويش
ثم يوضع فوقه جبن الشرائح بنفس حجم البسكويت ويزين ويدخل الميكرويف دقيقه او الفرن 5 دقائق

(( البسكويت الدائري ))
المقادير :
بسكويت دائري بنكهه الثوم او اي نكهه تفضلين
لبنه
خيار وزيتون للزينه

الطريقه:
 توضع اللبنه على البسكويت ويوضع بسكويت ثاني عليه ثم توضع القليل من اللبنه وفوقها زيتون وخيار

وبالعافيه عليكم

وردات الفلافل (الطعميه )

المقادير :
فلافل جاهزه
خبز توست منزوع الاطراف
حليب سائل او ماء
بقسماط
بيض
زيت للقلي

طريقه الاعداد :
1- يغمس التوست في الحليب ثم نضع في وسطه الفلافل ونلمه على بعض
2- نغمسه في البيض ثم في البقسماط ثم نقليه في الزيت
3- عند التقديم نقطعه بشكل زائد ويوضع عليه الخلطه ويزين بالبقدونس

الخلطه :
زبادي وطحينه وليمون وكمون وملح وشوي خردل ويخلطون مع بعض

وبالعـــــــــافيه

كوكيز ولا اسهل منه

المقادير:

خليط كيك بيتي كروكر شوكولاته (اي طعم او لون تفضلين)

بيضتين

نص كاس زيت نباتي او اقل

حبيبات شوكولاتة ابيض او شوكولت او مكسرات او زبيب

الطريقة:

1-انخلي خليط الكيك

2-اضيفي البيض والزيت

3-اخلطيهم زين

4-اخر شي اضيفي الحبيبات اذا حبيتي

5-العجينة راح تكون متماسكة وفيها شوي ليونة لكن تتشكل بسهولة وراح تلاحظينانك كل ماخلطتيها تتماسك اكثر وتصير كورة بدون ماتلصق في الصينية الي عجنتي فيها

6-خذي كورة بالحجم الي تحبين وحطيها على صينية مدهونة شوي زيت( ممكن تستخدمين ملعقة الايسكريم)

7-حطي الكورة مثل ماهي واضغطي عليها شوي بس لانها راح تمدد في الفرن

8-لا تلصقينها جنب بعض خلي بينهم مسافة اهم شي وترا الكمية تطلع كثيرة انا غالبا اسوي نص الكمية

9-الحين تحطينها في فرن مشغلته مسبقا على 180 (350 فهرنهايت)وتترك لمدة 10 دقايق ف ق ط بس بعد ال5 دقائق الاولى اقلبي الصينية وانتي تاكدي قبل تطلعينها ممكن تتركينها دقيقه او دقيقتين زيادة بس لا تطول ترا تطلع يابسة

10-لما تطلعين الصينية اتركيها دقاق بعدين حطي الكوكيز على شبك عشان يبرد.. بعدين قدميه بالعافية

افخاذ الدجاج بالبف باستري

المقادير:

بف باستري

حشوه دجاج(بصل مقطع ويحمس حتى يذبل ثم نضيف قطع الدجاج والخضار المقطعه -الجزر الفلفل الاخضر- الكوسه - الملفوف .. وطبعا كله اختياري ثم نضيف ماجي وبهارات وملح وفلفل اسود وفي النهايه قليل من البقدونس والكزبره)

بيض- بقسماط

اصابع بطاطس مقليه

زيت للقلي

:الطريقه

نفرد قطع البف باستري بالنشابه ثم نقطعها  نصفين.

ثم نحشاها بالحشوه.

ثم نضع الاصابع على طرف البف باستري ونلفها حتى تعطينى شكل فخذ الدجاجه

ثم نغمسه في بيض ومعه رشه فلفل اسود

ثم نغمسه بالبقسماط

وفي النهايه نقليه بالزيت

واذا اردنا الاحتفاظ به في الفريزر لوقت الحاجه

وبالهناء والعافيه

ودمتم بحفظ الرحمن

حلى افخاذ الدجاج

المقادير

كروسون جونيور باي حشه تفضلين

حليب نستله المحلى

بسكويت اعواد

كورن فليكس

بسكويت اوريو مطحون

الطريقه..

نغمس البسكويت الاعواد في الكروسون

ثم نغمس الكرسون في الحليب النستله

ثم نغمسها في الكور فليكس اذا اردن لونه فاتح

...او نغمسه في الاوريو المطحون اذا اردنا لونه غامق

وبالعافيه عليكم