حلى الكيكه المقلوبه

الطريقة والمقادير مخلوطين مع بعض مزيج مميز:

1- نستعمل الصينيه المشرفه (اللي وسطها مرتفع)

2-ندهنها بزيت ثم نرشها بدقيق

3- نسوي نصف مقادير كيكه الزبادي وهي :بيضه - نصف علبه زبادي فنجالين سكر - ربع كاس زيت1 ملعقه باكنج بودر - فانيلا كاس الا ربع دقيق

4- نخلطهم ونصبهم في صينيه وندخلها الفرن من تحت وفوق (تقريبا ربع ساعه)

5- نخليها تبرد شوي بعدين نقلبها في صحن او صينيه يمكن ان تدخل الفرن

6- نخلط في الخلاط: 4 حبات جبن كيري نصف علبه حليب المحلى المركز

7- ونصبها فوق الكيكه وندخلها الفرن من فوق الين تجمد موتتحمر

8- ثم ندخلها الثلاجه لمده ساعه او اقل

9- واذا بردت نحط في قدر (باكيت كريمه - نصف ملعقه صغيره نسكافيه -بياله ماء)

10- نحطها على النار لين تغلي ثم نصبها على الخلاطه وندخلها الثلاجه
وبالعافيه

الدخن

المقادير:
ماء

حبه بصل صغيره

حبه ماجي

لحم مقطع صغار

بياله جريش مطحونه

كاس ونصف دخن مجروش لايصير ناعم (ويمكنك زيادته او تنقيصه)

2 ملعقه طحين بر

الطريقة:
1-نحط البصل بعد تقطيعه الى قطع صغيره في قدر على النار بدون اضافه اي ماده دهنيهنحمسه قليلا ثم نضع الماء ونضع اللحم معه والماجي وشوي ملح

2-بعد عشر دقائق الى ربع ساعه نحط الجريش ونتركه على نار هاديه مـــره لمده عشر دقائق الى ربع ساعه

3- ثم نجيب الدخن ونخلطه بالسلك مع شوي مويه عاديه (علشانك لو حطيتيه على الجريش واللحمه والمويه حاره راح يتكتل عليك ) ونحط الين يطلع عندك علظها مثل المهلبيه او اخف شوي

4- ثم نحط الدقيق البر بعد ما نخلطه مع الماء ونستمر في التحريك

5- ثم نغطيه ونتركه تقريبا نصف ساعه على النار.

6- في هذي الاثناء نصلح الكشنه وهي عباره عن:بصل نقطعه ونحطه على النار مع الزبده او الزيت (بس الزبده اطعم)واذا بداء يذبل نحط عليه فلفل اسود كثيرررر (وعاد كل وحده وذوقها بس انا احب الكثير)وشوي بهارات.
7- في التقديم نجيب حافظه ونحط شوي من الدخن ثم طبقه بصل ثم طبقه دخن ثم طبقه بصل

او يمكنك تحطين الدخن كله ثم تحطين البصل فوقه

ملاحضه :اذا بغيتيه اطعم يمكنك وضع لبن معه بس انه راح يفتح لونه